Bulabog

The moon is lunatic,

Sending beams to break my sleep.

Ay, buwan, tinimbang ka ngunit kulang,

Di mo ba alam, insomniac ako, hunghang!

-- William the Henry

Zzzzzzzzzzzzzzzzzzzzzzzzzzzzzzzzzzzzzz...

3:04 a.m.
Gising na naman ako. Inaantok pa ako, pero alas tres at ilang baryang minuto na ng umaga, kaya ano pa -- sige nga! -- gising na ako. Ngayon, ano naman ang gagawin ko? Magbasa? Pumipikit pa ang mga mata ko, ayaw lang akong patuluging muli.

3:11
Lagi na lang ganito araw-araw: Pagpatak ng ilang minuto lampas alas tres ng madilim pang umaga ay babasagin na ang tulog ko, ke may panaginip, ke puyat na nga, bubulabugin pa rin ako para (1) Makita ang dilim? (Para maisip kong oxymoronic ang sabihing makita ang hindi naman makikita? Makikipagtalo ba ako sa sarili ko? Aysus!) (2) Marinig ang malilibog na mga kuliglig na sumasabay sa ingay ng ikot ng electric fan? (3) Ala lang, trip-trip lang?!

3:34
Ayaw pa ring tumalab ang Lyrica. Sabayan ko na kaya ng katapyas na Ribotril? Pero sabi nung doctor medyo bawas-bawasan ko na itong Ribotril dahil kumapit na ito sa sistema ko. Kaya nga strictly prescriptive, nakaka-addict kasi. Kalahati na nga lang ang iniinom ko, tatawagin pa akong addict. Nakakaasar. Eh si Ampatuan -- yung mas bata, yung mukhang unggoy na berdugo -- siguro kung umupak ng Ribotril ay parang mani lang. Ba't naman di makatulog ang hinayupaks na diablong yun? Ala namang kunsiyensiya. Saka paanong naging mayor yun? Ay tanga! Kung si unanong Gloria at Zubiri eh naibraso yung mga boto, ang sarili pa kaya? Matulog ka na nga!

4:03
Zzzzzzzzzzzzz...

Cute pets: bottomless appetite, thick hides. P500/pair.